Dr. Cheung a bay tene lectura na Maria College MAVO

ORANJESTAD (AAN): Dialuna cu a pasa, Maria College MAVO a ricibi bishita di e cientifico local trahando pa NASA, esta Dr. Edward Cheung.

   DIARIO a compronde cu na e ocasion aki, e alumnonan a haya e oportunidad pa haci diferente pregunta relaciona cu espacio y e trabao cu Dr. Edward Cheung ta eherce na Goddard Space Flight Center di NASA.

   Papiando riba proyectonan cu e tabatin riba e.o. Hubble Space Telescope cu a logra obtene imagennan nunca antes bisto di universo.  A duna update di tur trabao cu e ta trahando keto bay riba dje.

   Por a nota cu e atencion di e alumnonan tabata hopi enfoca riba dje, y sigur e tabata un atardi sumamente educativo pa tur cu tabata presente!  Pa Dr. Cheung, e lecturanan aki ta algo cu e ta haci semper pa asina keda empuha studiantenan pa keda cu interes den ciencia, y principalmente sigui sobresali den lesnan manera Wiskunde, Natuur Wetenschappen, y mas.  Esnan di Maria College MAVO ta manda bisa masha danki Dr. Edward Cheung pa e bishita.