Diseñador Ronchi a presenta un anochi di ‘Un Aire Romantico’

ORANJESTAD (AAN): Publico invita na un actividad special, a keda encanta cu loke nan a mira pasa riba pasarela. 

Cu aplauso constant, a admira tur e bunita diseñonan trendy y mas.

   Ta asina cu Ronchi de Cuba a presenta e coleccion 2023 di su linea di moda SOLOBYRONCHI.  Un biaha mas e conoci diseñador Arubano a impacta cu moda espectacular diseña y traha aki mes na Aruba.

   DIARIO a nota cu e coleccion a presenta un tono diferente.  Ronchi, conoci pa estampado y colornan vibrante, e biaha aki a escohe pa presenta un coleccion di tononan mas sutil.  Inspira pa "The New Look" di Christian Dior na 1940 y 1950 e coleccion a cautiva.