ORANJESTAD (AAN): Gobernador Alfonso Boekhoudt, recientemente a haci entrega oficial di Decreto Real (Koninklijk Besluit)
na dos marinier Arubiano na honor di nan promocion na Marinierskazerne Savaneta.
E ceremonia a tuma luga na Cas Ceremonial di Gobernador. E Comandante suplente di Marinierskazerne, ‘majoor der mariniers’ Marc Huisman, tambe tabata presente na e ocasion aki.
Na man robez por mira Sr. J.L.E. Peterson kende a ricibi su Decreto Real, den cuadro di su promocion cerca e personal militar di Aruba di ‘sergeant aspirant-officier der mariniers van Aruba’, pa ‘tweede luitenant der mariniers van Aruba’.
Na man drechi por mira Sr. J.L.Teixeira a ricibi su Decreto Real den cuadro di su promocion cerca e personal militar di Aruba di ‘eerste luitenant der mariniers van Aruba’ pa ‘kapitein der mariniers van Aruba’.
E potret pa cortesia di Kabinet Gouverneur Aruba.
