Dos mainta di caminata den naturalesa cu Gobernador Boekhoudt

ORANJESTAD (AAN): Dialuna cu a pasa, y tambe riba Diamars, ambos den oranan di mainta, pa di 5 aña consecutivo,

Gabinete di Gobernador a organisa un caminata di naturalesa cu muchanan di scol basico pa “Buki di Pret”.

   E caminata a tuma luga den Parke Nacional Arikok. Durante e caminata, Gobernador Boekhoudt mes tabata presente, y el a duna un splicacion hopi extenso na e muchanan di e flora y fauna di e area.

   “Buki di Pret” ta un buki specialmente pa muchanan di scol basico cu ta contene diferente actividadnan cu nan por inscribi p’e den e temporada di vakantie grandi.  Riba e potretnan por mira con e mainta aki a bay.  E potretnan ta pa cortesia di Kabinet di Gobernador.