ORANJESTAD (AAN): Informacion for di Curaçao ta indica cu recien tanto mr. Willem van Schendel, y tambe mr. Ernst Numann a huramenta dilanti president di Corte Comun di Husticia pa Caribe Hulandes, esta Mauritsz de Kort.
E dos personanan aki a wordo nombra via di Decreto Real dia 9 December 2022 como miembronan reemplazante di Corte Comun di Husticia.
Tur dos ta Huez pensiona di Corte Superior, y ta bin reforza den Caribe e team di casonan di apelacion di Corte Superior, pa asina contribui pa elimina e retrazo di sentencianan civil den casonan di apelacion.
