Dos hubilario special a wordo honra na Super Do It Center

ORANJESTAD (AAN): E ta un momento di celebracion, ora cu empleadonan ta yega e punto cu ta observa hopi aña di empleo pa un compania.  Esey ta exactamente loke Do It Center tambe a haci recien.

   Nan a honra e trabao inmenso desplega door di Korien van der Linden kende ta laborando 15 aña cu e compania.  Tambe a honra special tambe Giovanni Girelli pa su 5 aña di labor cu e compania.

   Gerencia a splica, cu e dedicacion di e dos empleadonan aki ta e forza inmenso cu tin tras di nan exito.  Pesey a gradici ambos, y cada uno a ricibi un plaquette conmemorativo, y tambe a wordo alegra un poco cu e acostumbrado envelop.