Pariba di Curaçao...
ORANJESTAD (AAN): Tabata den fin di siman den oranan trempan di anochi, cu Centro Operacional Maritimo (MOC) di Wardacosta di Caribe Hulandes a ricibi peticion urgente pa asistencia medico riba un cruiseship cu tabata nabegando e momento ey riba lama grandi pariba di Curaçao.
MOC mesora a drenta den contacto cu Docter di e Organisacion di Rescate CITRO pa haya mas detaye. A contact e personal medico abordo di e barco crusero, y a bin haya sa cu un pasahero a sufri atake di curason, y cu urgencia e tin di bay un Hospital.
Esaki a pone cu Wardacosta a laga nan Helicopter lanta vuelo, cu a sali rumbo pa e barco crusero pa asina yuda cu evacuacion di e pashent aki.
E Helicopter den contacto directo cu Capitan a logra di hisa e pashent abordo, y asina a sali bek rumbo pa Curaçao unda na Aeropuerto di Hato un Ambulans tabata wardando. Unaves cu a baha, e pashent a wordo hiba cu urgencia pa Curaçao Medical Center pa trata e pasahero aki.
