Dos docente di Spaña a pasa algun tempo na Scol Basico Washington

ORANJESTAD (AAN): Manera ta conoci, e programa conoci como ‘Erasmus+’ ta uno di Union Europeo cu ta sostene educacion, training, hubentud y deporte,

cu oportunidad di fondo pa individuo- y organizacionnan pa bay haci estudio, training, trabao di boluntario of traha den exterior pa desaroyo profesional.

   E ta un programa di 2021 te cu 2027, y ta yuda paisnan intercambia cu otro, y specialmente den educacion e tey pa mehora habilidad, comprondemento inter-cultural, y integracion den e sistema di trabao.

   Den cuadro di esaki, recientemente esnan di Scol Basico Washington a ricibi bishita di dos docente procedente di Spaña.  Un di e docentenan ta di educacion fisico, y e otro ta duna les di Ingles.

   Nan a bin Aruba relaciona cu e programa di Erasmus+ y nan tabata hopi interesa pa observa e sistema di duna les na Aruba.

   Na final di nan dianan, a ricibi palabranan di hopi exito di e team di e scol, y a duna nan recuerdo tambe pa ora nan regresa Spaña.