Biento lo sigui fuerte:
ORANJESTAD (AAN): Un area di presion halto riba Atlantico ta keda domina e region, causando biento fuerte te duro den rafaga, segun e pronostico meteorologico pa e proximo oranan. Esaki ta e principal factor climatologico na e momento aki, cu ta influi tanto e situacion atmosferico como e estado di lama na costa.
Segun e informacion emiti pa Departamento Meteorologico, condicionnan levemente instabiel den e capanan mas abou di atmosfera por trece nubia ocasional riba e isla, lo cu por resulta den algun awacero cortico durante e dia.
Adicionalmente, un aumento den concentracion di stof di Sahara a wordo registra, lo cu ta reduci visibilidad y un nivel mas abao den e calidad di aire den region. E autoridadnan ta lansa un advertencia pa personanan cu sensibilidad na e tipo di cambio atmosferico aki, pa tuma medidanan preventivo y limita exposicion innecesario.
Departamento Meteorologico ta haci un yamado special na operadornan di boto chikito pa keda alerta. Condicionnan maritimo den partinan Oost, Noord y Noordwest di costa por presenta riesgo pa embarcacionnan chikito, y ta recomenda pa nabega cu cautela.