ORANJESTAD (AAN) – E Dominicano Rofelix Vargas, conoci pa su amigonan di Dominicanos Unidos en Aruba ta pidi ayudo pe pa e por haya un segundo opinión medico den exterior.
Rofelix ta confrontando cu un problema visual den cual e tin un diagnostico di docter, na unda nan ta informe cu e tin un ceguera permanente.
Pero Rofelix kier haya un segundo opinión medico ya cu e tin fe den Dios cu e por recobra su bista. Ta pesey e grupo di Dominicanonan ta pidi tur esnan cu por contribui cu un aporte solidario pa e por bay Santo Domingo pa un chequeo medico.
Tin varios buzon poni na diferente lugar pa asina por contribui cu e salud di e ciudadano Rofelix Vargas. E buzonnan ta poni na Aquí me Quedo bar y restaurant, Sillar Bar y Restaurant, Fruteria Santo Domingo, La cafetaria de Denisse, Los cafeteros, Zona Cero (antiguo Flamboyan). Esnan cu kier haci transferencia por hacie tambe riba nomber di Rofelix A. Vargas Ortiz – Aruba Bank #2573010190
