WILLEMSTAD: E Helicopter di Guardacosta di Caribe Hulandes, recien a bay presta asistencia pa yuda baha un herido for di sero di Christoffelberg na Curaçao.
E turista masculino durante subida di e sero, a herida su mes. A core pidi yudanza, y Cuerpo di Bombero Curasoleño a subi e trapi pa asina bay duna asistencia. Personal di e organizacion di rescate Citro, tambe a bay duna un man.
Bomberonan tabatin planea di baha cu e turista riba un brancard for di e sero, pero mirando su situacion y e conseho di e medico di Citro, a dicidi pa manda busca helicopter pa yuda den esaki.
Nan a hisa e brancard cu un hoist di e Helicopter pa pone abordo, y despues a ateriza na Aeropuerto di Hato, unda un Ambulans tabata cla pa transporte pa Hospital.
