ORANJESTAD (AAN): Emergencia sanitario causa door di Covid-19 a bira un reto enorme na mundo. Y no ta trata solamente pa sistemanan di salud,
pero tambe a mustra con informacionnan robes y noticianan falso ta propaga rapidamente den internet sin importa si esaki por pone bida di hende na peliger.
Companianan grandi manera Facebook y Twitter a realiza un serie di campaña y iniciativa pa evita cu informacionnan falso peligroso wordo publica den nan plataformanan. Hopi hende ta pende cu ta trata di un problema di e rednan social publico cu miles di miyones di usario, pero aparentemente e ta un tema delicado hasta entre specialistanan.
CNBC a duna di conoce cu un red social diseña pa comunidad medico online no por a evita cu informacionnan falso riba e vacuna Covid-19, Doximity, un website pa docternan, ta presenta hopi informacion falso contra vacunanan.
Segun e medio, storianan comparti ta procedente di medionan di comunicacion bon estableci y publicacionnan cientifico pasobra e website no ta permiti usuarionan publica nan mesun articulonan y nan ta procede di revistanan medico y cientifico, den e comentarionan ta na unda nan a haya e problema.
Varios comentario aparentemente ta plega di informacion eroneo riba seguridad di vacunanan, e efectividad di tapaboca y inmunidad natural, entre otro tema. Un ehempel di esaki, hopi ta cuestiona su uso y efectividad di tapaboca pa mucha. Algun docter ta opina cu obliga mucha pa usa un tapaboca ta "ridiculo" apesar cu esaki tin evidencia cu esaki por yuda preveni propagacion di e virus.
Algo cu ta yama atencion ta cu pa por duna nan comentario, nan mester brinda datonan personal real. Di e manera aki nan por comproba cu comentarionan falso ta procedente di docternan certifica ya cu e publicacionnan no por ta anonimo.
Doximity a indica cu nan tin reglanan cu ta prohibi e contenido cu ta contradeci salud publico, incluyendo material anti-vacuna. Nan a añadi cu nan tin un proceso di revision di comentario "riguroso" na unda docternan ta controla loke ta wordo skirbi.
-Un problema enorme
Mas aya di cuestiona cierto miembro di comunidad medico, e caso a mustra e problema di informacionnan falso den plataformanan di internet.
Sin embargo, specialmente den ultimo aña, specialista, autoridad y publico en general, a cuestiona e alcance di rednan social y hasta na unda nan ta responsable di propagacion di informacion falso of peligroso.
