Docentenan di Colegio EPI Unit S&S mes a diseña nan Shirt pa Spula Krijt

ORANJESTAD (AAN): Manera ta conoci, siman pasa Diaranson 9 di Juli tabata ultimo dia di scol,

y rond di Aruba e docentenan tur a aglomera na nan lugar preferi pa asina festeha e asina yama ‘Spula Krijt’.

   DIARIO a haya sa, cu algun dia prome cu esey a socede, e docentenan dinamico di Unit Salubridad & Servicio di Colegio EPI a dicidi na haci uso di nan creatividad, di nan atencion pa detaye, y amor pa haci trabao di man, a traha nan mesun T-Shirt na diferente forma, pa asina cada uno por celebra nan Spula Krijt na un forma unico.

   Tabatin algun pasaboca dushi pa asina mantene animo den tereno positivo, mientras nan a traha cu aparatonan pa asina imprimi nan mesun T-Shirt pa asina mustra cu “Teacher Mode: Off” pa e actividadnan di Spula Krijt.

   DIARIO ta desea docentenan pa nan pasa dushi temporada di vakantie.