Docente di idioma procedente di Italia yudando un scol na Aruba

ORANJESTAD (AAN): E lugar educacional “Scol Amplio Nos Cosecha” situa na Playa,

ta operando e dianan aki cu un “docente di lenguahe”, esta juffrouw Teresa Masiello.  Cu amor el a yega Aruba y bay cerca Scol Amplio Nos Cosecha directamente for di Italia, pa asina e por comparti su experticio, talento y pasion pa cu idioma.

   Ademas di esaki, DIARIO a haya sa cu juffrouw Teresa a crea un buki precioso titula “The Island of 3 Lives”. E buki ta contene historia di Aruba, wega pa e alumno relaciona cu e topiconan y un experiencia unico na nivel infantil cu idioma Ingles y Spaño.  Di ñapa esnan na e scol ta siña un poco Italiano tambe.

   Dirigentenan di Scol Ampio Nos Cosecha ta manda danki na grupo “Tur cos ta posibel” pa a haci e bunita proyecto aki realidad.