ORANJESTAD (AAN) — Jeffrey Matos, Director di Club Kibrahacha, den entrevista cu DIARIO a duna informacion tocante e bunita presentacion cu tabata tin,
di diferente grupo, den Club Kibrahacha hunto cu Arubaanse Musiek School, cu a duna les di cuarta na e adultonan mayor, pero nan tin tambe un grupo di 50 plus cu ta bin tuma les di cuarta di señor Ipi Martis, y hunto a presenta full un programa recientemente, cu dos diferente grupo cu ta haya les na Club Kibrahacha.
Nan a presenta canticanan di Pasco, y e aña aki a dicidi pa musica di Gaita tambe. Tabata tin un repertorio amplio y tabata tin un grupo grandi di personanan cu a bin disfruta na Kibrahacha.
E ultimo tres añanan esaki ta tuma lugar y e publico ta creciendo y nan tabata hopi contento di a wak esaki atrobe unda cu e famianan ta bin, na un ambiente ameno, y disfruta di diferente musica den e centro di actividad di Club Kibrahacha.
