Minister Geoffrey Wever:
ORANJESTAD (AAN) Minister di Economia, Finanzas y Sector Geoffrey Wever, den entrevista cu Matutino DIARIO a bisa cu ora el a bira Minister, el a bisa cu haci e declaracion di impuesto digital, ta un proyecto cu e kier a introduci, y esey el a bisa e Director di DIMP pa cuminza cu preparacion pa esaki.
El a señala cu door di e digitalizacion ta crea mas espacio pa e personal haci cierto otro trabaonan, y esaki ta e direccion cu nan ta bayendo.
“Por ehemplo, den e situacion di permisonan di negoshinan, na e Departamento di Asuntonan Economico, siman pasa nan a termina e ley nobo. Nos a entrega esaki na Directie Wetgeving. Nos a traha hunto cu Hulanda, cu a yuda nos cu esaki, y nan tambe a introduci e base legal pa haci e peticion pa un permiso di negoshi digital, y por ehemplo, nos ta elimina e rekisito pa haya un directeurvergunning.
E Departamento ta bay tin menos tipo di permiso pa handle, pues directeurvergunning no ta bay ta un rekerimento mas. Bo mester tin un permiso pa e negoshi y esey tambe ta bay baha e presion riba e grupo di hende cu ta maneha e parti di permiso pa negoshi, y e ora ey e proceso ta bay automaticamente mas lihe y menos peso di trabao pa e grupo aki”, Minister Geoffrey Wever a conclui.
