Relacionista Publico Meverly Romano:
*Ta calcula cu pa mitad augustus lo keda full cla
ORANJESTAD (AAN) – Matutino DIARIO a entrevista señora Meverly Romano, Relacionista Publico di Departamento di Impuesto, relaciona cu e cantidad di afspaaknan cu DIMP a atende pa loke ta number di plachi nobo, y cuanto falta ainda. Tambe el a referi na un tendencia cu tin aworaki, di falsifica e plachinan blauw cu blanco.
Señora Romano a duna di conoce cu actualmente nan a atende riba 22 mi afspraak y falta ainda 8.764 cita pa atende.
DIMP ta calcula cu nan ta caba cu e proceso aki den e prome mitad di augustus venidero. Kiermen, practicamente falta dos luna y mey (of un seis siman) pa keda cla completamente cu partimento di plachi.
“Esaki ta nifica tambe cu poco, poco nos ta yegando caminda nos ta bay anuncia te ki dia por core cu e plachinan cora cu blanco. Dado momento tur automobilista mester core cu nan plachi blauw cu blanco riba nan vehiculo”, señora Romano a señala.
Nos tin cu haci esaki, pasobra den practica tambe, na prome lugar nos tin un compromiso cu nos contribuyentenan pa percura pa nan haya nan plachi, e di dos ta cu nos ta wak otro tendencia tambe cu ta tumando lugar, cu ta falsificacion di plachi blauw cu blanco”, Meverly Romano a señala. Por lesa den otro articulo tocante e tema aki.
