Diez hoben a logra finaliza cu exito e Trayecto di Formacion Social

ORANJESTAD (AAN): Diez hoben hopi entusiasma y cu dedicacion, a logra finaliza cu exito e Trayecto di Formacion Social (SVT). 

Pesey mes na Marinierskazerne Savaneta nan a ricibi nan certificado y baret oficial.  Un prestacion extraordinario cu tur hende mester ta orguyoso di dje.

   Durante e parti di formacion militar, e hombernan a siña na un forma militar, a haya sa mas di norma y balor. Den cuatro luna intensivo, nan a desaroya disciplina, respet, structura, perseverancia, confianza, y cooperacion.  E habilidadnan balioso aki ta forma un base pa nan sigui crece y desaroya.

   Awor nan ta cla pa e siguiente paso.  Den e di dos fase di e Sociaal Vormingstraject aki, tin e trayecto di siña un ofishi, y aki e hobennan lo ricibi guia di Gobierno di Aruba pa asina sigui yuda nan pa por haya un trabao of estudio.