Indy Chan di Hottriggers Paintball Field:
- Aruba Open 2026 ta cuminza awe
ORANJESTAD (AAN): Tanto awe Diabierna, Diasabra, y Diadomingo lo bay tin e “Aruba Open 2026 International Paintball Tournament” riba e isla, organiza door di Aruba Paintball Federation.
E torneo aki di tres dia lo bay ta na e tereno di Hottriggers Paintball Field na Parkietenbos. E represetante di e tereno ey ta Indy Chan, y e tambe ta co-organizador di e Torneo.
Indy Chan a splica, cu e teamnan internacional cu ta participando lo no djis haya e chance di conoce e isla, sino ta haya e chance di hunga paintball na un nivel masha halto. Awe Diabierna dia 25 nan ta cuminsa cu 3-man cu ta eynan loke Mayor League Paintball League cu nan ta yama NXL cu esaki ta e liga mas grandi di mundo. Nan ta bay tin un invitational 3-man event, cu kiermen akinan e equiponan ta enfrentando otro. E ganador akinan e ta bay haya un invitational spot pa por hunga World Cup na November na Kissimmee (Florida) pa representa Aruba, esta si acaso un team di Aruba gana, y ta haya un chance pa bay den e pro league pa representa Aruba, kiermen e ta un oportunidad grandi pa nos, pa e deporte, pasobra nos no ta zomaar ta yega den pro level.
E torneo di Aruba Open 2026, ta start awe Diabierna, pero lo sigui dia 26 cu ta Diasabra, y dia 27 cu ta Diadomingo 27. Akinan caminda nan tin $12.000 cash pa haya. E ta dividi cu e prome lugar $7.000, di dos lugar $3.500 y di tres lugar $1.500, y esaki e organizacion a haci conhuntamente cu e ayudo di e partnernan pa nan por trece e iniciativa aki pa e teamnan bin Aruba.
Cu e premio aki, Aruba Open 2026 a trata na haci esaki lo mas atractivo posibel. Pasobra e idea principal ta cu Aruba Paintball Federation kier pa Paintball crece nacionalmente y pone Aruba internacionalmente riba e mapa bek. Cu esaki nan ta trata di trece e teamnan bolbe Aruba regularmente.
Por corda antes den decada di 2000, Aruba tabata un destinacion cu tabata uno obligatorio pa tur hende cu a hunga Paintbal, pa bin e isla y hunga esaki aki. Y resultado ta cu nan tin nan storianan di Aruba, e organizadornan local kier trece esaki bek pa e comunidad di Aruba y pa e hungadornan di Paintball.
“Mi ta invita e pueblo henter pa apoya e teamnan local cu ta batayando contra e teamnan aki. E evento aki ta un Open Paintball Tournament, esey kiermen cu tin profesionalnan ta hungando den e teamnan cu ta haci e level di hungada hopi grandi, kiermen nos ta looking forward pa representa Aruba y nos pueblo bin apoya tur e teamnan local y asina tambe conoce paintball di mas di cerca,” Chan a declara.
Cancha den bon condicion: Segun Indy Chan, e cancha na Parkietenbos ta setup normal nan ta yame layout. E layout semper ta cambia, kiermen e obstaculonan. E layout ta wordo traha door di Aruba Paintball Federation mes, y ta wordo aproba door di Mayor League Paintball, kiermen e contenido di dje eynan, pasobra como cu Aruba ta uzandonan nan reglanan, e tin cu mantene e reglanan internacional, kiermen e cancha no di nos na Aruba ta un standard internacional.
Diesseis ekipo: Pa Aruba Open 2026 segun Indy Chan, lo bay tin un total di 16 ekipo. E ta parti den 5-man event cu ta e main event, y e 3-man event. Y asina aki nos kier crec’e pa por bay den bira mas grandi.
Entrada pa bay mira e torneo ta completamente gratis. E ta bay ta e full weekend aki, y publico por pasa y check e weganan. Lo bay tin un bar y cushina, bon surti, bo por pasa eynan apoya. Tur esakinan ta yuda tambe na e fondonan di Aruba Paintball Federation. Y alabes tambe e ta duna e hungadornan un animo pa pa hunga. E biaha aki nan lo ta hasta Live-Stream e torneo aki.
