Presidente di Fundacion Diabetes:
ORANJESTAD (AAN): Dia 14 di november ta Dia Mundial di Diabetes y den cuadro di esaki Fundacion Diabetes Aruba kier conscientisa e pueblo riba e complicacionnan cu e malesa aki ta trece.
Kimberly de Groot, Podotherapeut y Presidente di FDA cu diabetes ta 10% di e populacion di Aruba y esey ta algo hopi preocupante si ta wak tur e complicacionnan y e gastonan cu e ta trece cu ne.
Diabetes ta un malesa cu no solamente ta impacta e diabeticonan, pero tambe e por haci un impacto grandi cerca famia y conocinan.
De Groot a laga sa cu pa atende cu e problematica di diabetes na Aruba nan tin diferente proyecto manera 'Blue November' cual ta un campaña di conscientisacion riba diabetes.
El bisa cu tambe riba nan facebook page nan ta comparti diferente receta saludabel y di snacks pa asina por ta mas consciente di loke ta come y con por haci combinacion. Tambe hopi biaha ta duna charla y tambe ta papia riba e tema na diferente temporada manera Pasco, Carnaval pa purba keda saludabel, a remarca.
