Hende ta traha miho ora nan wordo balora.
Cualkier empleado lo sinti bon ora cu reconoce nan bon trabou cu nan ta haci. Balorando un empleado ta haci cu nan moral ta subi y ta sigui traha duro pa nan bolbe wordo reconoci.
Balora empleado ta conduci na hopi mas beneficio por ehempel:
- Nan ta sinti nan mes bon y feliz. Ta mas agradabel pa traha cu hende feliz.
- Nan ta mas productivo. Nan lo haci nan best p'e compania progresa.
- E chens pa e empleado bandona e compania ta bira menos. Inverti den trahador nobo lo costa placa.
- Clientenan lo gusta e ambiente y por bishita bek y esaki ta bon pa competencia.
Tin diferente manera pa balora empleado, akinan tin algun ehempel, con por balora empleadonan?
- Kisas na prome luga, tur hende lo desea di haya algo cu tin haber cu placa, por ehempel, un 'performance bonus', of un aumento den salario. Si esaki no ta posibel tin algun otro manera pa laga empleado sinti balora.
- Acerca e trahador y bise direct cu e la haci un bon trabou, of non-verbal un “schouder klopje”.
- Aplica segundo beneficio, kisas ‘gym pass’, of extra seguro medico.
- Pone nan den spotlight, compliment nan dilanti tur hende. Gradici nan y ta orguyoso di nan trabou.
- Scucha empleado, acepta nan feedback y si ta posibel aplica nan ideanan.
- Ofrece nan curso pa nan bay cu lo yuda nan cu nan desarollo propio y/of cu lo yuda cu nan trabou.
- Planea un rutina, caminda cu 2 biaha pa aña of e cantidad cu ta desea pa reconoce empleado. Por ehempel por entrega nan un plakkaat of un ‘gift certificate’.
- Haci actividad social na trabou of pafo di trabou.
Pa conclui, balora empleadonan ta conduci na diferente beneficio pa e ambiente di trabou. No ta tur ora ta placa ta unico manera di balora trahador, tin diferente otro manera pa compensa empleadonan. Al final mi kier laga atras cu un hefe tambe ta parti di e organizacion y si trahadornan ta acuerdo cu e hefe su manera di maneha, nan mester por apreci'e y balor'e tambe.
Gillmar Werleman
