ORANJESTAD (AAN): Diamars mainta durante conferencia di prensa di Fundacion Mi Voz Ta Bo Voz,
e president Lisette Gomes a indica cu nan ta bay pone diferente ‘Money Bin” rond di e isla, cu e meta pa yuda recauda fondo pa nan.
E prome baki di colect aki a wordo poni na Café Restaurant Yanti den Wilhelminastraat net dilanti di NV Elmar. E establecimento aki tin par di aña ta contribui caba na e fundacion, y e clientenan vast lo por pone placa larga den dje, pa asina duna un apoyo grandi na e fundacion.
Demas comerciantenan cu lo desea pa yuda, y cu lo kier pone un Money Bin na nan empresa pa yuda colecta placa pa e fundacion, por contact nan y nan lo bay entrega uno pa bo. Por contact Fundacion Mi Voz Ta Bo Voz na 562-9820.
