Diasabra tin expo di arte y reciclahe transformando boter di biña

ORANJESTAD (AAN); En conexion cu e workshop di Arte duna pa señora Olga Rocio na Fundacion Centro Famia Piedra Plat lo bay tin diasabra awor 29 di Juni 2024 pa 6:00 pm un exposicion.

Lo por mira un resultado hopi bunita di e 25 damanan cu a sigui e curso di 14 ora di les den 4 siman.

   Transformando boter di biña den algo bunita, colorido, creativo, iluminacion di luz, un combinacion di arte y emocion. E damanan a relaha y disfruta masha hopi mes di e workshop.

   Tur hende cu bin Diasabra awor por disfruta di Wine and Cheese cu lo tin na benta pa recauda un poco fondo pa e Fundacion.

   Tambe ta duna oportunidad na esnan presente pa cumpra algun di e obranan for di e damanan mes cu a sigui e curso, y tambe lo por aprecia e pinturanan di arte visual di e artista local sra Rhoda Berg.

   Fundacion Centro Famia Piedra Plat formando parti di Community Building hunto cu “CEDE Aruba- Bario Unico” lo sigui organiza workshopnan y actividadnan pa e bario y comunidad di Aruba.