Diasabra tin e di 5 edicion di Turismo Mundial 2021 na Aruba

Certamen internacional riba e isla - ORANJESTAD (AAN): E certamen aki a cuminsa na aña 2016 ora cu George Winterdaal y GLW Foundation,

e mesun organizacion cu ta organiza Miss Teen Aruba Intenational  a sinti e necesidad di sigui promove Aruba na nivel internacional y pa mustra cu e isla tin lugarnan bunita y cu tin hopi pa Brinda e bishitantenan.

   Na aña 2016 a cuminza cu solamente cu categoria Teen y for di e tempo ey a haci varios adaptacion di agrega categoria extra y a worde defini cu e categorianan cu ta keda ta ‘Teen’, ‘Miss’ y ‘Señora’.

   Ganadora di aña 2016 ta Linda Sibrian di El Salvador, na 2017 tabata Little Curacao Aleena Fransisco, Pre-Teen Argentina Melanie Gonzales, y Teen Panama Ashley Isaza.

   Na 2018 ta Little Colombia Eileen Lesmes, Pre-Teen Aruba Nubis Chandler , Teen Curacao Davienne Bislip y Miss Venezuela Valentina Marcano.

   Na 2019 e ganadora tabata Teen Panama Kimberly Winter, Miss Peru Nahomi Aguilera y Señora Aruba Miriam Contreras.

   E situacion di Covid a pone organizacionan rond mundo man na cabes ya cu ora di biaha pa competencia ta un sin fin di testnan mester y esaki ta haci cu e no ta facil, pero asina mes lo haci e evento aki den un forma mas chiquito y ya pa 2022 lo haci esaki mas grandi, fecha pa 2022 ta 30 Mei pa 5 Juni 2022.

   Pa Aruba nos tin den e competencia Sharlena Clarinda cu ta preparando all the way pa diasabra awor duna bataya y representa Aruba den un forma spectacular.  E certamen lo ta den Cas di Cultura y ta cuminza pa 7:00 pm.