ORANJESTAD (AAN): Directiva di Centro di Bario Playa ta anuncia su proximo actividad cu ta tuma luga diasabra venidero.
E actividad aki cu a worde bautisa bou di e number “Concierto Pa Henter Famia” lo tuma luga diasabra benidero 15 di november.
Actuacion principal lo ta e banda di Free Wind cu nan artistanan invita. Durante aña e banda tin nan concierto abordo di Free Wind pero e biaha aki nan a dicidi pa tur hende bin gosa di nan concierto na Centro di Bario playa Pabao.
Pa trece e ambiente di Pasco grupo di gaita “Fortaleza” lo ta presente y e grupo di baile “Gucci Dancers”.
Manera ya a worde menciona e actividad aki lo tuma diasabra 15 mei y ta cuminsa pa 7’or pm. Un invitacion ta bay pa henter Aruba pa bin gosa di un tremendo concierto cu bo famia. No ta cobra entrada. Keda pendiente pa e proximo actividadnan cu lo tuma luga.
