ORANJESTAD (AAN): Un biaha mas, Fundacion Parke Nacional di Aruba (FPNA) lo tin un Caminata bao Luna yen door di Parke. Esaki lo ta Diasabra 24 di Februari 2024.
Den pasado ta hopi hende ta uni pa participa den e Full Moon Hike aki. Awor esaki ta bo chens pa bin cana bao di e lus magico di e luna yen y goza di Aruba su bunita naturalesa, y e distancia lo bay ta di 4 km.
Pa bo participa, bo mester registra na:
Nan lo ta cuminsando na e centro di bishitante di Parke Nacional Arikok, participantenan ta invita pa explora Sero Boonchi y Sero Arikok bou guia di rangers. E lo ta for di 7:00 pm te cu 9:00 pm.
Bo tin di registra online, y corda cu cupo ta limita. Lo bay cobra pa participa, y e ta inclui un pasaboca y cos di bebe. Si bo tarda pa registra, chens ta grandi cu bo ta keda afo.
Corda cu e caminata tin hopi subida, pues bay cu bon zapato, suficiente awa, y un flashlight chikito. Lo ricibi pago di esnan inscribi for di 6:30 pm te cu 7:00 pm na e Visitor Center di Parke Arikok.
