ORANJESTAD (AAN): Diasabra mainta, 5 di September 2026, lo tin Mercado Santa Rosa un biaha mas.
Sigur lo tin hopi ciudadano ta acudi pa probecha di nan mercado.
Ta sugeri consumidornan pa yega trempan pa asina probecha y cumpra nan carni fresco, diferente berdura y fruta. Corda bay cu placa cash, y tambe bo saconan pa pone producto aden. Porta ta habri di 8:00 am te cu 12:00 pm.
Cumpra local, come saludabel, y sostene productonan local. Lo por spera Carni fresco di Baca y tambe Cabrito, Caha di Webo, Cherry Tomatoes, Lechuga, Remedinan di Tera, varios Juice fresco, sausnan traha na Aruba, bolo, cuki, empana, habon, honing, y mas.
Publico lo keda asombra pa mira con hopi hoben ta envolvi nan mes den agricultura y a trece nan productonan pa bende.
