ORANJESTAD (AAN): Diasabra venidero, den oranan di 6:15 am (mainta), lo bay tin resamento di Santo Rosario, tanto na Kapel di Alto Vista, y na Kapel di Blue Army na San Nicolas.
Despues di esey, pa 7:00 am lo sigui Santo Sacrificio di Misa.
Prome cu Santo Misa ta resa Santo Rosario pa 6.15 am, esta “Misterio Gososo”, despues ta sigui cu Salve Regina.Ta invita tur deboto y fielnan di Mama Maria pa asisti na e Santa Rosario prome cu Santa Misa. Mama Maria ta entercede pa nos na nos Tata Celestial. Tur fielnan ta bin resa e Santo Rosario pa bienestar di henter comunidad di Aruba.
Papa Francisco, Obispo Luis Secco, tur sacerdote, Diacono y laiconan cu ta hiba e bon noticia pa e pueblo di Dios. Pa nos Gobernantenan y tur cu ta carga responsabilidad pa nos pais Aruba. Pa enfermonan den exterior. Cu Dios Santo sana enfermonan y pronto nan regreso.
Tin di corda cu luna di April ta dedica na Hesus Misericordioso.
Cu Mama Maria scucha sclamamento di esnan cu ta biba cu miedo y hamber. Sin cas, sin awa pa bebe y sin cuminda. Henter nan bida ta destrosa bou di gera y perdido di nan sernan keri. Mas cu nunca, ban resa Santo Rosario pa Paz na Medio Oriente. Paz den hogarnan na Aruba y nos ruman nan riba otro islanan
Ban hinca rudia busca refugio na nos Mama Celestial. Den nos oracionnan resa pa Ucrania y Rusia cu nan por yega na e pas desea y Palestina cu ta sufri masha.
