ORANJESTAD (AAN): Diasabra awor Ateliers '89 Punto di Beyas Arte Aruba y fundacion cu aporte di Mondriaan Fonds, lo presenta e obra di performance titula E RUTA, (for di 7.30 pm). Bou guia di e artista maestra, Natusha Croes.
Pa cuater siman diferente participante a pasa den e proceso unico experimental di performance. Culminando asina den un obra di performance masha unico, diferente y emocional. E teatristanan cu lo presenta den e Black Box na A '89, ta Lupita Bernabela, John Freddy Montoya, Judith Werleman, Shjakayne Manuela, Mijenou Tromp y Willy Villareal.
Un anochi hopi special cu 'opening act' di Randall Luidens y acompaña cu sonido durante e obra pa DJ Adriano Nanoff y maestro di filmacion Semi Chahmi.
Tambe lo tin e oportunidad pa mira e obranan pa ultimo vez, di e workshop Printmaking bou guia di Irvin Aguilar. Y e obranan di pintura auto-retrato bou guia di Elvis López.
E evento aki lo tuma lugar Diasabra 𝟏𝟐 𝐉𝐮𝐧𝐢 𝟖𝐏𝐌 na Ateliers '89
Bo por presencia un experiencia en bibo unda e beneficionan di un practica contemporaneo artistico ta ser comparti pa asina stimula conversacion, reflexion y desaroyo mental y emotional den comunidad.
'E Ruta, a documentary experience' lo wordo guia door di e artista Natusha Croes.