Diasabra awor lo tin Ladies of Harley Bike Ride 2022

Evento organiza pa Aruba HOG 297

ORANJESTAD (AAN): Durante un conferencia di prensa convoca na Casibari Café, e fundacion di Aruba Harley Owners Group 297

   Presidente di Aruba HOG 297, Dino Roos a indica cu e fundacion aki crea na December 2021

   Dia 7 di Mei 2022 tin un actividad grandi prepara.  Esaki ta bira “Ladies of Harley Bike Ride 2022”, cu lo bira e prome ‘Ride’ oficial di e fundacion aki, y nan lo converti esaki den un evento anual cu lo sigui tur aña riba e prome Diasabra di luna di Mei.

   Imelda Maduro di e fundacion, a splica cu e idea pa crea e Ride aki a bin di un dama pa organiza un paseo special pa damas.  A haci consulta interno, y tur hende tabata entusiasma cu e tema, y den un tempo hopi cortico a hinca e organizacion di e evento.

   Nan ta hopi agradecido na Yrausquin & Sons cu ta nan patrocinador principal, y no a duda ningun rato di sostene e actividad aki.  Casibari Café tambe lo fungi como e sede principal di e fundacion pa e dianan venidero, y durante e evento mes di ‘Ladies of Harley Bike Ride 2022’.

   Inscripcion mes lo ta Diaranzon dia 4 di Mei 2022 entre 6:30 pm y 10:30 pm.  E actividad mes lo ta Diasabra 7 di Mei 2022, unda esaki lo sali pa 5:00 pm en punto for di Casibari Café.

   Den e paseo lo bay para na e.o. Great Rich Bar & Restaurant pa algun wega, y na final na Casibari Café tambe lo tin wega, y lo culmina e anochi escogiendo un Reina y e ta wordo corona como “Queen Ladies of Harley Bike Ride 2022”.  E corona ta cortesia di e preparador conoci Endy Croes.

   A ser splica cu tambe lo tin premio pa Best T-Shirt, Best Bike Decora, y mas doorprize.  Tambe lo tin un banda na final pa anima publico.

   Nan a gradici Kankerfonds cu tambe ta colabora, y na nomber di Fundacion Aruba HOG 297, nan a ricibi un check den forma di donacion.  Señora Lily Prins a ricibi e donacion aki for di Fundacion Aruba HOG 297.