ORANJESTAD (AAN): Fiesta di San Martin ta un fiesta tradicional Portugues cu ta worde celebra como e dia di bina nobo, esta dia di purba e biria Portugues.
Un fiesta cu ta conoci y ta worde festeha en grande na e districto di San Martin situa na costa sur oeste di E capital di Madeira cu ta Funchal.
E fiesta di San Martin ta un fiesta principalmente celebra na Portugal y Madeira na luna di November. E fiesta aki ta presenta diferente tradicionnan Lusitana cu ta worde festeha cu baile portugues, cumindanan tipico y sin laga afor e "tasting" unda ta purba e smaak di e biña portugues cu ta worde cosecha durante e aña.
E fiesta di San Martin ta asocia cu un bon esfera di convivencia y di solidaridad reforzando e lasonan di amistad entre amigonan y famianan. E Santo "patrono" di e produccion di bina e dia aki ta San Martin. San Martin tabata un soldat romano, cu nba un dia hopi friu el a encontra un ambulante riba caya cu tabatin hopi friu y tabata sinti malo y e ambulante a pidi'e yudansa. Como un bon soldat Martin a kita su capa y a duna e ambulante pa protehe di e friu. Di e momento ey diripiente e friu a bay y e ta cuminsa bira mas calor y enberdad t'asina el a sosode.
Na Aruba tambe ta celebra e dia aki en grande riba Diasabra 11 di November 2023 na Fundacion Social Cultural Portugues mihor conoci como Club Primavera of Club Portugues.
Directiva actual ta preparando e fiesta tradicional aki cu masha entusiasmo y ta celebra e fiesta e aria aki un poco multi cultural. Lo bay tin presentacion di varios Pais, cu e.o. cuminda y bebidanan tradicional Portugues.
Como parti di celebracion aki nos no por laga afor e cumindanan tipico, y tradicional Portugues lo bay tin oportunidad pa purba e plato principal Madeirense cu ta e "Espetada Portuguesa", acompaña cu dushi pan "Bob do Caco", tambe "Bacalao a Portguesa".
Invitacion: Directiva ta extende un invitacion personal na henter e Comunidad residencia aki na Aruba pa pasa Diasabra awor November 11 na Club Primavera y celebra e gran dia di San Martin den forma Multi Cultural cu lo cuminsa pa Tor di anochi. Mas cu claro entrada ta completamente gratis!
