ORANJESTAD (AAN): Heart-Centered Leadership Foundation hunto cu Kinderpostzegels ta organizando un workshop pa hobennan di 13 te cu 17 aña riba Diasabra venidero, esta 6 di December 2025 na Aruba.
Titulo di e workshop ta: “Connection Station: Explora con nos ta comunica y interactua cu otro”. Corda cu e forma cu nos ta comunica cu otro ta sumamente importante! E mundo di awendia ta move lihe, pero tambe nos amistadnan, combersacionnan, y nos manera di ta cu otro.
Durante e tayer Connection Station, hobennan tin e oportunidad pa para un rato y refleha riba e manera con nan ta comunica y interactua cu hende rond di nan.
E workshop aki ta duna hobennan e oportunidad pa explora e impacto di nan palabranan, accionnan y emocionnan: Nan lo practica habilidadnan cu ta haci situacionan di tur dia mas facil, tambe siña maneranan pa expresa nan mes miho, maneha retonan, y crea relacionan sano y positivo a base di habilidadnan claro di comunica.
DIARIO a compronde cu Connection Station ta mas cu un tayer. E ta un chens pa hobennan crece socialmente y emocionalmente mientras nan ta haya tools cu nan por uza na scol, na cas y pa nan futuro carera. Si bo ta buscando algo significante pa sostene bo yiu su desaroyo, esaki ta unda nan mester ta.
Den colaboracion cu Gianni’s Group, nos ta ofrece e tayer aki completamente gratis! Registracion ta obligatorio. Luga ta limita. Registra awe mes via WhatsApp 584-1211.
E lo bay ta na JPC Place na Palm Beach, for di 1:30 pm te cu 4:30 pm. Pa esnan interesa, tin e opcion di bay hunga bowling despues di e workshop tambe.
