ORANJESTAD (AAN): Fundacion Viana Charity Fund a worde lanta na aña 1981 y manera ta costumber, na tur fin di aña, ta otorga donacion na entidadnan caritativo.
Dia 1 di december 2025 Viana Charity Fund a haci entrega di donacion na 19 entidad caritativo cu ta traha riba diferente area social na Aruba.
E entidadnan cu a ricibi un donacion ta: Parokia Sta. Teresita Niño Hesus, Asistencia Social Parokia "Cristo Rey", Stichting CasMarie, Stichting Ambiente Feliz, Asistencia Social Santa Anna, Fundacion Guia Mi, Assistencia Social Dakota, Vereniging Sonrisa, Fundacion Club Don Bosco Noord, y Stichting Adopt an Addict.
Mas cu a haya donacion ta: Comision Flor di Brazil, Stichting Ambiente Nobo, Stichting Trampolin pa Trabao, Parokia San Juan Pablo II Tanki Leendert, Fundashon Hospice Atardi, Grupo Curason Jong Paradera, Stichting Sociaal Fonds Colegio Nigel Matthew, Stichting Sociale Fonds Colegio EPI, Flor di Aloe.
E miembronan di directiva Ebby Arends (Presidente), Tico Croes (Tesorero), Olindo Koolman (Comisario) Gwendy Koopmans (Comisario) y Herry Koolman (Secretario) ta desea un y tur un bon y feliz Pasco y un prospero aña 2026.
