ORANJESTAD (AAN): Relaciona cu Dia di Rey, e organizacion local di Shoco Legends Aruba Bike Club ta
organizando un Ride pa tur esnan cu motorcycle y bikes, y esaki lo bay ta anochi.
E asina yama “King’s Night Ride 2026” aki lo tuma lugar riba Diasabra anochi, 25 di April 2026 riba careteranan di Aruba. Nan ta haci esaki riba e fecha ey, pa asina duna tur hende chens riba Dia di Rey (27 April) pa nan disfruta cu nan famia.
Esnan cu kier participa tin di inscribi riba Diahuebs 23 di April 2026 na The New Rudsen Bar na Jan Flemming 2. Registracion lo start pa 7:00 pm, y lo cobra 45 Florin pa participa. Por paga cash of por swipe. Cu e registro lo bo ricibi bandana, patch, tenedo di bleki di cerbes, y tambe glow sticks. E color cu tur biker mester bisti riba e anochi di Ride ta oranje, y bo por haci esaki na bo estilo.
Riba Diasabra anochi mes ta pidi Bikernan yega na Chill Cafe Aruba na Parke Turismo di Linear Park pa 5:00 pm. E Ride mes lo start pa 7:00 pm.
Lo bay tin un ‘surprise stop’ unda lo haya bebida gratis. E anochi aki ta bay tin wega y tambe doorprize. Tambe lo bay corona un persona como e ‘Slow Ride King 2026’.
