ORANJESTAD(AAN): Diasabra den Parke Nacional Arikok a tuma lugar e di dos edicion di e Trail Run Team Event.
Peter Simon, presidente di Stichting The Ultimate Challenge, a splica cu normalmente e Stichting ta organiza e careda di Ultimate Challenge di Adventure Race, pero e biaha aki e intencion tabata pa bay mas den direccion di core ‘Trail’.
”E aña aki nos a traha un calender di evento, unda cu nos tin 7 evento di cual esaki ta e di dos pa e aña aki”.
Nos tin pues 5 evento mas na caminda, segun Simon.
El a splica cu a scoge a tipo di careda aki, pa tin un cambio den e cultura di movecion.
“Careda riba caminda ta bon, pero tin biaha mester bin cu un variacion di e parti ey, pues den e caso aki nos a bin cu e tipi aki di careda y duna oportunidad na atletanan cu gusta e parti aki, cu ta mas den naturaleza”, segun presidente di e fundacion.
El a splica cu e proximo evento ta bay ta na Juni.
Ta trata di un Adventure Race cu ta cuminza na Malmok.
E ta inclui kayak, mapa etc.
Simon a splica cu net prome cu comienzo di e careda e atletanan ta haya un mapa cu e ruta riba dje.
Ta asina tambe cu cada grupo ta consisti di 4 atleta cu mester keda hunto.
E careda ta inclui core den kayak, landamento, duik pa busca artefacto bao di awa y mas.
https://diario.aw/categories/noticia/general/diasabra-a-tuma-lugar-e-trail-run-team-event-y-tin-5-evento-mas-na-caminda#sigProIdbfe19212c1