DIARIO presente ora cu Rey Willem Alexander a habri edificio principal di hospital na Nijmegen

NIJMEGEN: Fotografo di DIARIO bishitando Hulanda, riba Diahuebs a logra capta riba potret e momento cu Rey Willem Alexander

tabata na Nijmegen pa habri e edificio principal nobo di e hospital di Nijmegen, Radboudumc.

E edificio nobo a wordo instala riba cuido di futuro, unda cu e area di vivienda ta mas compacto y ta wordo uza na un manera mas intensivo.

Tambe ta bay haci uso di tecnologia nobo pa duna pashentnan mas autonomia y pa e trabao medico wordo haci na un manera mas eficiente y efectivo.

Su Mahestad a haya un splicacion entre otro riba cuido medico duradero, prevencion y cuido util, cu acento riba diferente posibilidad di tratamento, e deseonan di e pashent y calidad di bida.

Despues cu Rey Willem Alexander a haya un presentacion tambe riba con e proyecto a cuminza y con tur cos a wordo diseña tambe cu envolvimento di pashent, Su Mahestad a haci apertura oficial di e parti nobo di e edificio.

Pa gasta menos energia posibel, murayanan, e vloer y e daknan a wordo extra isola, mientras cu ta haci uso tambe di celnan solar pa genera energia.