ORANJESTAD (AAN): Den cuadro di Dia Internacional di Poesia, Diaranzon 23 di Maart na Biblioteca Nacional den George Madurostraat, ta bay tuma lugar e prome actividad despues di 2 aña di pandemia.
E actividad aki ta bay ta di 6:30 pm te cu 9:30 pm.
Durante un conferencia di prensa linguista, gestor cultura y literato Mirto Laclé a splica cu ta bay ta un anochi di poesia, baile, canto, declamacion, musica, documental, cultura y educacion en general.
Lacle a indica cu entre otro Letitia Wever lo introduci su obra literario cu ta un tomo di poesia, mientras cu Olivia Benschop-Erasmus lo presenta su obra di arte ‘Fantasia riba textil, di Aruba su 5 biyetenan di florin.
Jack Tromp y Jaydiane Croes tambe ta bay ta presente pa deleita publico cu algun cancion.
Laclé a indica cu pa pone enfasis riba celebracion di Dia Internacional di Poesia lo tin presentacion di algun participante di Poeta di Patria, incluyendo e ganador Marilies Becker.
Entrada pa e anochi aki ta completamente gratis.
https://diario.aw/categories/noticia/general/diaranzon-ta-celebra-dia-internacional-di-poesia-cu-actividad-na-biblioteca-nacional#sigProId9e385fc0b2