ORANJESTAD (AAN): E trabaonan riba sero di Alto Vista ta sigui.
E preparacion di tereno pa construccion di e tanki nobo y mas grandi di awa a keda finalisa y awor por sigui cu bashamento di e fundeshi pa e tanki nobo.
WEB Aruba NV a indica cu nan lo cuminza cu e trabao di basha fundeshi riba Diaranson 26 di juli.
Habitantenan den becindario lo por sigui nota trafico di ekipo pisa den e area y e posibilidad di disturbio di ruido.
E proyecto di Tanki Alto Vista ta forma parti di WEB su proyecto ‘Upgrade Aruba Water Distribution Network’. Ta proyecta pa e proyecto completo keda cla na augustus 2024.
