ORANJESTAD (AAN): E team di Aruba Lions Club cu colaboracion di Xavier University ta invita henter pueblo di Aruba
pa ta presente na un otro anochi informativo den cuadro di e enfermedad di diabetes.
Esaki ta Diaranson 12 November 2025, pa 6’or di atardi y lo ser teni den Aula grandi y cu stoelnan hopi comodo na Xavier University na Santa Helenastraat 23 y e entrada ta completamente gratis. Lo tin suficiente espacio pa parkeer y pa 5.30 pm caba publico por cuminsa yega.
Hunto cu Dr. Omkar Puvvala, Dr. Prasad y POH Alfons lo duna tur e informacion necesario con pa preveni Diabetes y si ya bo tin e enfermedad aki kico tur lo bo por haci pa hiba un mihor calidad di bida. Corda cu dia 14 di November a ser declara Dia Mundial di Diabetes, y pa concientiza nos comunidad y como parti di e programa di Lions Club International nos ta presenta e actividad aki pa nos comunidad en general. Aruba Lions Club sirbiendo e Pueblo di Aruba pa 78 aña caba ta convenci cu mas informacion bo tin, mihor bo por cuida y preveni e malesa aki, y si ya bo tine lo bo haya informacion valioso pa sigui cuida y mehora bo calidad di bida apesar di reto nan cu por presenta.
Aruba Lions Club y Xavier University Aruba ta warda tur interesado pa e charla interesante aki riba 12 di November 2025 pa 6:00 pm.
