ORANJESTAD (AAN): Awe10 di november ta observa ‘Dia Mundial di Ciencia pa Paz y Desaroyo’.
Un dia cu ta recorda nos cu ciencia no ta solomente teoria. E ta un herment strategico pa forma comunidad, fortalece nacionnan, y ta crea un futuro hancra den stabilidad y innovacion.
Tur aña e dia aki ta laga nos mira cu progreso berdadero ta nace ora ciencia ta ocupa prioridad den nos tumamento di decisionnan.
Aruba ta na un punto crucial caminda retonan global ta topa cu aspiracionnan local. Nos isla ta enfrenta clima cu ta sigui cambia, recursonan natural limita, y un economia cu mester diversificacion. Ciencia tin e yabi. Investigacion riba energia renovabel por duna empuhe pa e transicion pa un Aruba mas resistente y autosuficiente.
Estudionan pa conservacion maritimo, por proteha nos rifnan, piscanan, y por preserva tur cos natural cu ta sostene nos turismo. Strategia den salubridad publico basa riba data, por fortalece bienestar di comunidad y prepara nos comunidad pa futuro crisisnan cu confiansa y no cu miedo.
Nos generacion nobo di Aruba merece e oportunidad pa explora tecnologia, ingenieria, y ciencia ambiental sin barera. Inverti den labnan, programanan escolar, y partnernan internacional por haci esey posibel.
Ciencia no ta leu. E ta biba den cada regla, cada skol, y cada vision pa futuro. Aruba por uza esaki pa crea un futuro mas sostenibel, trankil y prospero pa tur hende.
