ORANJESTAD (AAN): Diamars anochi dia 18 di juli sr. Dominico Werleman ta presenta su buki, un coleccion di 26 storia cortico.
E titulo di e buki ta: ‘Hallo! Mi ta sapato pia drechi di Mauricio’.
E coleccion di storia ta di diferente genero varia di ficticio te na experencia personal cu un toke di fantasia.
Dominico Werleman tin hopi aña caba ta skirbi storia y ta sigui curso di Skirbimento creativo y a keda desaroya su skirbimento. Y asina a yega na su prome publicacion oficial. Cu mucho gusto e ta presenta esaki na publico. Sr. Mirto Lácle ta anfitrion y lo duna un introduccion. E presentacion ta cuminsa 6or.
Desde comienso di aña 2000 Dominico Werleman ta skirbi storianan cortico y poesia. Ta trata aki di storianan di ficcion y basa riba experiencianan personal. Un di su otro actividadnan ta diseña y traha fli. Dominico Th. Werleman, naci na 1956, ta un Inginiero Werktuigbouwkunde y tabata empleado publico pa mas di 38 aña. Dominico tabata miembro di entre otro JCI Aruba y actualmente ta miembro di JCI Senators of Aruba.
Dominico a contribui cu un storia y un poesia pa ‘Maraca : un sentimento Caribense produci den diferente storia y poesia local’. Un coleccion di storia cu sr. Vi Frank jr. a produci. Dominico a participa na e concurso ‘Poeta di patria 2023 cu e storia/poesia ‘Curason di Aruba’.
