ORANJESTAD (AAN): Recientemente Minister Plenipotenciario mr. Ady Thijsen a haya un bishita di cortesia di Gytha Boerwinkel.
Boerwinkel a topa cu Minister Thijsen den su funcion di “informatiespecialist” pa e comicion di Tweede Kamer pa Asuntonan di Reino y tambe esun di Justicia y Seguridad. A papia riba e trabaonan en general di Tweede Kamer y e rol di e Comicion pa Asuntonan di Reino den esaki. Obviamente Gytha a duna un splicacion di su rol den e comicion pa Asuntonan di Reino.
Den e combersacion entre Boerwinkel y Minister Thijsen a papia riba IPKO, cu ta e reunionnan dos biaha pa aña entre e parlamententonan di Hulanda, Curaçao, St. Maarten y Aruba. Tambe a toca e tema di “Geschillenregeling”.
Minister Thijsen a gradici Gytha Boerwinkel pa e combersacion ameno, a desea su persona hopi exito den e funcion aki y finalmente a bisa cu ta bunita pa mira nos hendenan ta ocupa funcionnan clave na Hulanda. E potret ta cortesia di Arubahuis.
