ORANJESTAD (AAN): E Dia Mundial di Laba Man ta wordo celebra rondo di mundo riba Diamars dia 15 di October,
pa corda ariba e importancia, cu un cos asina simpel manera laba man cu awa y habon, tin pa salud en general.
Laba man ta un acto cotidiano pa mayoria di hende na mundo. Toch, laba man bon cu awa y habon no ta asina frecuente manera mester ta: miyonnan di persona ta uza unicamente awa pa laba man, mas tanto pa costumber of pa falta di habon.
No laba man of keda sin uza habon ta un riesgo di transmision di malesanan infeccioso. Laba man frecuentemente y bon, cu awa y habon!
