ORANJESTAD (AAN): For di Diabierna 18 di October te cu Diadomingo 20 di October 2024, ta tumando lugar na Varadero Aruba Marina,
e tan spera competencia di piscamento di Billfish, yama ‘Release Masters Billfish Tournament 2024”.
Ademas cu tin participantenan di Aruba cu a inscribi, tin yatenan di Curaçao tambe cu ta participando. Esey ta algo di spera, mirando cu tin un pot grandi pa e ganador.
Ganadornan lo bay ricibi 10.000 Florin cash. Esnan cu sali na di dos lugar lo ricibi 5.000 Florin cash. Tercer lugar lo ricibi 3.000 Florin cash.
Di awor caba ta premira cu e Torneo aki lo ta yen di accion riba lama y e teamnan cu ta participando lo bay ta nek pa nek pa purba yega na e premio maximo. Varadero Marina ta situa pazuid di Aeropuerto di Aruba.
