ORANJESTAD (AAN): Segun a wordo planea, pa fin di October un biaha mas e focus na Aruba, Corsou y Bonaire ta dirigi riba enseñanza, desaroyo y intercambio.
Di 26 te cu 29 di October 2026, e di nuebe edicion di Het Nationaal Onderwijs Congres Caribbean ta tuma lugar.
Algo nobo pa e aña aki ta e Conferencia di Maneho di Caribe, diseña special pa lidernan, administradornan, y otro profesionalnan cu ta duna rumbo pa educacion y cuido infantil.
E congreso lo viaha pa tur tres isla, y Dialuna 26 di October lo ta na Aruba. Despues nan ta sigui pa Corsou y Bonaire.
BrainPower: Inverti den e poder di crece. Esaki ta e tema central di 2026, cu ta ‘BrainPower: Un base solido pa crecimento y desaroyo”. BrainPower no ta referi djis riba inteligencia. E ta trata, mas bien, di e desaroyo cognitivo, emocional, y social, como tambe di un educacion cu ta stimula curiosidad, e pensamento critico, y e capacidad pa adapta.
Cu esaki, e Congreso lo dirigi riba un pregunta cu ta concerni tur profesional den enseñanza: Kico mucha- y hobennan awendia tin mester pa enfrenta fuertemente e mundo di mañan?
Durante e congreso, profesionalnan di enseñanza, personal pedagogico, experto- y lidernan lo reuni pa elabora riba temanan actual manera siñamento y cerebro, e comportamento, e lenguahe, e alfabetizacion digital, inteligencia artificial, ciudadania, wiskunde, e inteligencia emocional, arte y cultura, y e liderato. E programa ta combina e experiencia internacional cu e conocementonan y experiencia di practica educactivo Caribense.
E orador principal di Merca, Willie Spears lo ta presente tambe. E ta un di e invitadonan special e aña aki. Spears ta un docente, coach, autor, y un persona cu ta papia na conferencianan cu ta hopi busca, conoci pa su estilo di presentacion energetico y inspirado.
Ademas di e conferencia magistral, e programa ta inclui un cantidad di sesion practico y workshop. Entre nan di Lianne ter Steeg, Pepijn Dousi, Wilga Zibel, Mike Janssen, Mark Blankwater, Carolina Bongers, Amber Stam, Marieke Visser, Marjan Klein, Iris van Vuuren, Helena Mulder y Roos van Goor kendenan lo contribui na e programa hunto cu varios experto local.
E fortaleza ta hinca aki claramente den e aplicacion practico: Inspira bo mes ta importante, pero principalmente, e participantenan mester por bay cas cu ideanan, conocemento, y habilidadnan cu ta permiti nan sigui avanza den nan mesun klas, na scol, of kizas den crèche.
Prome biaha: Conferencia di maneho Caribe: Pa 2026 lo tin algo nobo importante, esta cu pa prome biaha lo bay organiza e Conferencia di Maneho di Caribe, y esey lo ta prome cu e congreso educativo. E conferencia aki di mainta, ta dirigi special na lidernan, entre nan cabezantenan di scol, sub-directornan, miembronan di directiva, staffunctionarisnan, y esnan cu ta den liderato dentro di crèchenan. E contenido ta draai rond di liderato, calidad educativo, e desaroyo escolar, y pregunta con lidernan por crea espacio pa desaroyo y inovacion.
Lianna ter Steeg lo duna e masterclass ‘De schoolleider als hefboom voor onderwijskwaliteit’, mientras cu Papijn Bousi ta papia riba liderato motivador den desaroyo escolar. Na Aruba y Corsu lo papia riba creatividad dentro di e organizacion tambe.
E interes pa e iniciativa nobo aki ta hopi grandi.
Un dia di Congreso pa desaroyo continuo: Un aspecto cu ta hala atencion di e edicion di 2025 ta cu e profesionalizacion no tin wordo para ora cu e ultimo workshop finaliza. E participantenan di e Congreso di Enseñanza y e Conferencia di Maneho, lo ricibi acceso gratis na e ‘Caribbean Academy’. Cu esey e lazo ta wordo poni entre experiencia fisico di un congreso y demas profesionalizamento online.
E ta cuadra den e desaroyo cu e Congreso a bin ta duna ultimo añanan. Loke a start nuebe aña pasa na Aruba, a crece y bira un lugar reconoci di topa otro di e profesionalnan den enseñanza y crèche na islanan ABC.
E Congreso di Dialuna awor, 26 di October 2026 lo bay ta na edificio di Colegio Arubano den Vondellaan.
