Componi door di Chucho Hoek y produci pa Nigel Hoek
ORANJESTAD (AAN): Tabata Dialuna atardi, cu a tuma lugar riba social media y demas plataforma di musica, e lansamento oficial di e cancion nobo di Sashah. Recien ya caba DIARIO a publica informacion encuanto e cancion nobo aki.
A stipula e fecha di 4 di September pa e lansamento oficial riba tur plataforma di transmision y media social. Ta trata di e cancion cu ya a cuminza bira un hit, esta ‘Ki Bo Ta kere’, presenta pa e artista Arubano Sashah.
E cancion ta un composicion di Chucho Hoek (den feliz memoria). Ta bon pa remarca cu Chucho tabata semper e compositor di mayoria di e exitonan di Sashah, tanto na Aruba, Bonaire, Curaçao y Hulanda, manera “Ay esta dushi”, “Mi Rehen,” :Maske ta un biaha,” “Primi mi, Invadi mi,” “Trata mi bon” y “Ta 'bo so por.” Claro, Chucho hunto cu su yiu Nigel "Suhcy" Hoek, nan a forma e cancion “Ki Bo Ta Kere” Ademas di a compone e cancion, Chucho tambe a graba e parti di guitara y baho.
“Ki Bo ta Kere” ta un produccion di e super talentoso musico, areglista Nigel "Suhcy" Hoek, kende a percura pa e parti di stem, grabacion, mezcla, editamento y mastering.
Ya pa awe caba, e oportunidad tey pa cada persona na mundo henter disfruta di e tema “Ki Bo Ta Kere” na cualkier momento di dia. Por haye na:
E cancion ta obtenibel riba tur plataforma social y plataforma di transmision, incluyendo esunan mas popular, djis pa menciona algun cu ta Spotify, Deezer, Tidal, iHeart Radio, Pandora y Youtube Music. Riba Apple Music y Amazon Music, tambe e lo ta obtenibel.
