Casonan activo ta 30 - ORANJESTAD (AAN): Siman a habri y Crisis Team como tambe Departamento di Salud a duna di conoce cu 2 persona a recupera,
mientras cu a registra total 4 caso nobo di Covid-19, di cual 1 ta no-residente.
E cantidad total di testnan ehecuta diadomingo na e diferente localidadnan na Aruba, entre otro laboratorio di hospital, laboratorionan priva y aeropuerto ta 359 test.
'Positivity rate' entre residentenan ta 8%.
Casonan activo ta 30 (27 residente). E cantidad di fayecido relaciona cu Covid-19 ta 107.
