ORANJESTAD (AAN): Pa awor tur hende sa cu Dia Internacional di Hende Muher lo ta Diasabra 8 di Maart venidero.
Sinembargo DIARIO a compronde cu Grupo 60+ Dinamico Piedra Plat ta bay tin un programa special diahuebs awor 6 di maart 2025 cuminsando 9:00’or di mainta na: Fundacion Centro Famia Piedra Plat. Como invitado nan ta bay tin Sra. Ella Tromp-Yarzagaray pa e ocacion special aki.
Ella lo bay comparti su añanan di experiencia como hende muher cu a ocupa diferente funcionnan den comunidad entre otro: Minister Plenipotenciario, Minister di Financien, Parlamentaria y Gobernador Suplente di Aruba.
E esfuersonan cu e hende muher ta haci pa comunidad y su famia hopi biaha no ta wordo balora y aprecia manera mester ta. Cabayeronan tambe ta invita pa bin diahuebs awor y duna un homenahe na e hende muhernan. Entrada gratis cupo limita.
Grupo 60+ Dinamico Piedra Plat tin un programa varia 2 biaha pa siman riba diamars y diahuebs di 9:30 am pa 11:00 am. E programa ta consisti di fysio terapia, baile terapia, tempo social y educativo. Tur ta tuma luga na Fundacion Centro Famia Piedra Plat.
Nan tin un comishon cu ta traha boluntariamente pa adulto mayor cu ta consisti di: Faritah Luidens, Chantal Ecury, Yolanda Wolter, Adri Berg y Lila Bisslik.
Cualke treat of apoyo pa nos adultonan mayor lo ta altamente aprecia pa e comishon
