Diahuebs mainta a celebra Christmas Spirit Day na Colegio Arubano

ORANJSTAD (AAN): Diahuebs mainta, un celebracion a tuma lugar riba Plaza Capelo di Colegio Arubano na Vondellaan, cu a ser yama ‘Colegio Arubano Christmas Spirit Day’.

   Ya for di 10’or di mainta, Tipico Colegio Arubano a cuminza resona musica festivo di temporada, y cu a sona bon tocando entre otro ‘Burrito Sabanero’.

   E Diahuebs aki, tur alumno a ser pidi pa yega scol cu paña sea cora of blanco, of ambos, y cu e accesorio faborito pa Pasco, incluyendo petchi di Santa Claus.  A nota cu The Grinch tambe tabatey!

   Riba combinacion di potret por mira mas di e mainta festivo yena cu ambiente di Pasco, y musica tradicional cu a sona fenomenal.