ORANJESTAD (AAN): Muchanan di scol ainda tin par di dia liber na cas aworaki na comienzo di 2023.
Tabatin algun persona cu a yama DIARIO pa puntra si berdad scol ta
cuminza awe Diamars 3 di Januari 2023.
Esey no ta corecto! Vakantie ta finaliza riba Diaranzon 4 di Januari 2023. Esey nifica cu e prome dia di les pa e aña nobo aki ta Diahuebs 5 di Januari 2023.
Pa resto di e aña escolar, muchanan lo tin liber riba Diaranzon 25 di Januari 2023 cu ta Dia di Betico. Tambe tin liber riba Dialuna 20 di Februari 2023 cu ta Dialuna di Carnaval. Tambe lo tin liber riba Dia di Himno y Bandera, cu ta duna nan liber riba Diabierna 17 di Maart 2023.
Vakantie di Pasco Grandi lo ta di Diahuebs 6 di April 2023 te cu Diabierna 14 di April 2023. Dia di Rey ta Diahuebs 27 di April. Dia di Obrero ta Dialuna 1 di Mei 2023.
